साखरे हे महाराष्ट्र राज्यातील पालघर तालुका, पालघर जिल्हा येथे वसलेले ग्रामीण व आदिवासी बहुल गाव आहे. गावाचे एकूण लागवडी योग्य क्षेत्रफळ अंदाजे 317 हेक्टर असून ग्रामपंचायतीमध्ये ३ वार्ड आहेत. एकूण 388 कुटुंबे येथे वास्तव्यास असून, लोकसंख्या 1,652 आहे, ज्यात 820 पुरुष व 832 महिला यांचा समावेश होतो.

साखरे गाव ग्रामपंचायतच्या देखरेखीखाली सामाजिक, धार्मिक, शैक्षणिक आणि पायाभूत सुविधांच्या दृष्टीने विकसित केले जात आहे. येथे शाळा, अंगणवाडी केंद्रे, समाजमंदिरे, सार्वजनिक विहिरी, पाणीसाठवण व्यवस्था आणि शेततळी उपलब्ध आहेत.

गावातील नागरिक शेती, मजुरी व पारंपरिक व्यवसायांवर आपला उदरनिर्वाह करतात. ग्रामपंचायत सरपंच, उपसरपंच व सदस्य यांचा समन्वय साधून गावाच्या सर्वांगीण विकासासाठी विविध योजना राबविली जातात.

गावाचा भौगोलिक विस्तार प्रामुख्याने डोंगराळ प्रदेशात असून शेतीयोग्य जमीन मर्यादित प्रमाणात आहे. गावाजवळून मुंबई ते अहमदाबाद हायवे (NH 48) जातो. गावापासून दहिसर मुख्य ठिकाण फक्त काही किमी अंतरावर आहे आणि महत्त्वाचे आरोग्य केंद्र व वेदांत हॉस्पिटल जवळ आहे.